10 августа Илсеғол ауылының мәҙәниәт йортонда ҡоймаҡ байрамы уҙғарылды.Ҡоймаҡтың ниндәй генә төрө юҡ. Ағинәйебеҙ Әлфирә Варис ҡыҙы бик матур ҡоймаҡҡа ҡағылышлы таҡмаҡтар яҙҙы.
1.Байрамыбыҙ түрҙәренә
Беҙ саҡырҙыҡ ҡунаҡтар.
Ҡунаҡтарҙың килеүенә
Беҙ бешерҙек ҡоймаҡтар.
2.Ҡоймаҡтың була төрлөһө
Әсеһе һәм сөсөһө
Күпергәне мамыҡ кеүек
Хатта селтәр төҫлөһө.
3. Ҡоймаҡ менән табын йыйыу
Электән килгән йола.
Бергәләшеп ашағанда
Ул бигерәк тәмле була.
4.Килен төшкән йорттарға ла
Ҡоймаҡ тотоп кергәндәр.
Йомро ҡоймаҡтай тормошоң
Камил булһын тигәндәр.
5. Бала тыуһа бәпес ҡотлап
Ҡоймаҡ менән ингәндәр.
Аҡ бәхеттәр һәм татыулыҡ
Ғаиләгә теләгәндәр.
6. Көтөлмәгән ҡунаҡтыла
Ҡаршылаусы ул ҡоймаҡ
Сәй ҡайнаған арала ла
туғып алаһың ҡоймаҡ.
7. Ҡоймаҡ менән табын йыйыу
Электән килгән йола.
Бергәләшеп ашағанда
Ул бигерәк тәмле була.
8.Сәй янында майлы ҡоймаҡ
Өҫтөнлөклө аҙыҡ ул.
Быуындарҙан быуындарға
Күсеп килгән ризыҡ ул. |