| ...Илсеғол тураһында легенда.( Ҡунҡаҫ ауылында йәшәүсе Ильясов Риза Иҙрис улынан(1929 йылғы) Мөхәмәтйәнова Лениза Булат ҡыҙы яҙып алды)
Бер нисә быуат элек йәшәгән ти 4 туған: Илсеғол, Алдар,Балғажы, Ҡунҡаҫ. Аталары үлгәс улар таралып һәр береһе үҙенә матур, бай йылғалы ерҙәргә урынлашҡандар. Илсеғол үҙенең көтөүе менән Дим буйын төйәк иткән Ул саҡта Дим ныҡ тәрән, мул һыулы булған, ярҙарындаҡуйы урмн үҫкән.Бер аҙ ваҡыт үткәс, ул үҙенеңтуғандарының да ошо йылға буйына урынлашҡанын ишетә. Илсеғол, Балғажы, Алдарҙың ултырған ерҙәре ҙурайған,халыҡ артҡан. Тик Ҡунҡаҫ тураһындабер хәбәр ҙә ишетелмәгән. Туғандары Ҡунҡаҫты урмандағы иҫке генә йортта тапҡандар. Ҡунҡаҫ эш һөймәҫ, ялҡау булған, хатта кеше ашау менән дә шөғөлләнгән. Шуға ла ауылы ҙураймаған. Балғажы менән Алдар Ҡунҡаҫты Илсеғол ағалары янына алып килгәндәр.Ҡамсы менән юнып, унан ант әйттереп, мал,ярҙамсылар биреп ҡайтарып ебәргән. Ҡунҡаҫ сәмләнеп донъя көтә башлаған, ауылы яйлап үҫкән, кешеләре артҡан. Был 4 туған үлгәс, уларҙың балалары, ейәндәре үҙҙәренең йәшәгән ерҙәрен атай-олаталарының исеме менән йөрөтә башлаған.
Тарихын белмәгән милләт уңышлы киләсәгендә төҙөй алмай. Халыҡ тәжрибәһен иҫтә ҡалдырыу, ата-бабаларыбыҙҙың аманатын, тарихи ҡомартҡыларын һаҡлап ҡалыу, киләсәк быуынға тапшырыу- беҙҙең иң мөһим бурысыбыҙ. | |