2024 йыл - Башҡортостанда Һаулыҡ мөмкинлектәре сикләнгән кешеләр тураһында хәстәрлек йылы.

Көслө рухлы кеше.

Бөтә ағзаһы ла теүәл, һау- сәләмәт булып та, тормошҡа зарланғандар өсөн уның тормошо өлгө булырлыҡ.

Һүҙем Илсеғол ауылында йәшәүсе хаҡлы ялда булған Фәрит Фәйзи улы Иҫәнғолов тураһында булыр.

Уның тормош девизы: йәшәү өсөн көрәшергә кәрәк.

Һөнәре буйынса тарихсы булып, ғүмер буйы мәктәптә уҡытһа ла,ошо көнгәсә медицина менән ҡыҙыҡһына, уның яңынан яңы серҙәренә төшөнә.
Был медицинаға уны ваҡытында дөрөҫ дауаламау арҡаһында сире көсәйеп китеп инвалид коляскаһына барып терәлгәс башлана.

."Мин йәшәргә тейеш!" тигән бер сәм, маҡсат уны һығылып төшөүҙән, һәләкәттән һаҡлай.Төрлө ысулдар менән дауалауға күсә, хатта 49 көнлөк ас тороп дауалауҙы ла үткәрә.

Ниндәй генә ауырлыҡтар, ҡайғылар үткәрмәһен бер ваҡытта ла иҫерткес эсемлек эсмәй, тартмай,, һүгенмәй, балаларға өлгөлө атай.

Уның тураһында гәзиттәргә лә, журналдарға ла яҙҙылар.

Фәрит ағайҙың тормошона,ауырыуҙарға ҡаршы көрәш тәжрибәһенә, уның кәңәштәренә, уйланыуҙарына арналған тапшырыуҙар, радио, телевидение аша яңғыраны.
Уны живой энциклопед тип тә йөрөтәләр, халыҡ табибы ла ул.