аҙағы; күрһәткән кешегә килеп, унан ғәфү үтенергә бурыслы. Унан башҡа тәүбәһе ҡабул булмаҫ, тиелә Ҡөрьәндә.
Уйлаһаң, күпме рәнйетте ул Нурхаятты. Ғәфү үтенергә кәрәк! Бының өсөн әхирәте Ғиззинур аша Нурхаятты өйөнә саҡырҙы.
...Икеләнде Нурхаят, йөрәге туларға тотондо. Көскә үҙен ҡулға алды. Ҡасандыр ире барып йөрөгән йорттоң ишеген хәҙер Нурхаят асырға тейеш.Тыштан һиҙҙермәһә лә, эстән яна ине, Ярай, булған, бөткән, тип тынысландырырға тырышып, Гиззинур менән өйҙәренә табан атланы.
Фатиханың ҡыуанысының сиге юҡ ине, ни тиһәң дә беренсе аҙым яһалды.
-Йә, Фатиха, һөйләп ебәр, күрһәт, ҡайһы мөйөш һеҙҙеке ине, нисегерәк булды, ниндәй яғымлы һүҙҙәр әйтте,-тип уйынлы-ысынлы һүҙҙәрҙән башланы Нурхаят. Фатиханың шаяртып яуап бирерлек хәле юҡ ине. Булғандыр инде, тиеү менән сикләнде.
Сәй эстеме, ағыу эстеме был өйҙә Нурхаят, үҙен энә өҫтөндә ултырған кеүек хис итте. Тиҙерәк сығып киткеһе, саф һауа һулағыһы килде. Ғәфү үтенеү йөҙөнән күлдәклек туҡыма бирҙе уға Фатиха. Алды. "Мин ғәфү итермен, Аллаһы Тәғәлә ғәфү итһен",- тине, сөнки Ҡөрьәндә, мосолмандар бер- береһенә дошманлыҡ утын ҡабыҙмаҫҡа, тиҙерәк һүндерергә тырышҡанлыҡтан, ғәфү итеү тейешле булыр, тиелгән.
Нурхаят тыштан ғәфү иткән кеүек булды, ләкин йөрәктә ниндәйҙер төйөр ҡалды. Был төйөр сиселдеме, юҡмы- үҙе менән мәңгелеккә алып китте.
...Фатиха үҙе теләп ҡөрьән сыҡты, ҡырҡын да бағышланы: ғәфү ҡыл,зинһар, ғәфү ит мине, Нурхаят!
29.09.06 "Башҡортостан" гәзитендә Ғ. Әсәҙуллина псевдонимы аҫтында сыҡты.
|