Илшат Йомағолов исемендәге Стәрлетамаҡ башҡорт драма театры сәхнәләштергән "Ҡорос. Яугир ат яҙмышы" драмаһын ҡарап, кисәнән бирле спектаклдән алған рухи тәьҫораттар тулҡынында йөҙөлә. Әҫәр шул ҡәҙәрем дә яҡшы ҡуйылған - авторы яҙыусы Мөнир Ҡунафин, режиссеры Айҙар Зарипов, актерҙар, декорациялар һәм башҡалар - барыһы бер бөтөн булып, мәғәнәһен еренә еткереп тамашасылар ҡарамағына тапшырҙылар. Ябай ғына ат яҙмышы аша халҡым яҙмышы, уның ябайлығы, тоғролоғо, илһөйәрлеге, ҡанаттар талпындырып азатлыҡҡа осорлоҡ өмөттәре һәм шул уҡ ваҡытта халҡым яҙмышын уйлап ҡайғыртҡан тотанаҡлығын да күрҙем мин был премьераны күҙ йәштәрен тыймай ҡараған саҡта. Илһөйәрлек рухын күтәргән был спектакль ҡала-район театры һәм мәҙәни үҙәктәре сәхнәләре аша барыбыҙҙың да күңеленә барып етһен ине!
|