Ураҙалар булһын мөбәрәк!!!

Ураҙа – кешене яуаплылыҡҡа, түҙемлеккә, сабырлыҡҡа, ихласлыҡҡа өйрәткән ғибәҙәт. Кеше холҡондағы кәмселектәрҙән ҡотолорға, төрлө гонаһтарҙан һаҡланырға өйрәнә. Сөнки ураҙа тотҡанда беҙ тел менән дә, күҙҙәр менән дә ураҙала булабыҙ, йәғни артыҡ һүҙ һөйләмәҫкә тырышабыҙ һәм харам әйберҙәргә ҡарап күҙ зинаһы ҡылмайбыҙ. Был айҙа ас тороп, мохтаж кешеләрҙең хәлен аңларға, уларға рәхимле, миһырбанлы, йомарт булырға һәм, үҙебеҙгә ни тиклем ниғмәт, киң ризыҡ, бәрәкәт бирелгәнен аңлап, Аллаһҡа шөкөр итергә өйрәнәбеҙ.

Изге Рамаҙан айында мәсеттәрҙә, өйҙәрҙә ифтар мәжлестәре уҙғарыла. Бер мәжлестә беҙ ҡурайсы тип кенә белгән Роберт Юлдашев менән бергә булырға тура килде, дингә ныҡлы баҫыуы,намаҙ уҡыуы, дингә өндәүе күңелебеҙгә хуш килде.

Илсеғол ауылы мәсетендә динде хөрмәт иткән, яратҡан ауылдаштарыбыҙ йыйылды. Өфөнән килеп йәш кенә ауылдашыбыҙ ифтар табыны ойоштороп ҡына ҡалманы, ауылыбыҙҙың әүҙем кешеләренә оло бүләк биреп һөйөндөрҙө. ... Читать дальше »