Тыуған төйәгенән йыраҡта йәшәһә лә...

Әбйәлил районы Әхмәт ауылында 1906 йылдың 20 ноябрендә крәҫтиән ғаиләһендә тыуған.

Бөйөк Ватан һуғышынан һуң ,яҙмыш елдәре Миәкә районы Ҡырғыҙ-Миәкә ауылына ташлаған фронтовик ШӘЙХЕТДИН ЯГУДИН тураһында иҫтәлекте архив документтарына, улы ИЛГИЗ ЯГУДИН төҙөгән шәжәрә китабына таянып яҙылған.

Өс ағалы-ҡустылы бик бәләкәйҙән етем ҡалып, байҙарға ялланып, бил бөгә.
Илбаҫарҙар ябырылғас, яуға китәләр. Ағаһы Динислам 1944 йылдың майында, ҡустыһы Зәйнетдин Троицк ҡалаһында тифтән мәхрүм була.

1920 йылғы улы Мостафа 1942 йылдың октябрендә хәбәрһеҙ юғала.

Етемлектең әсе һурпаһын эскән Шәйхетдин нисек тә зыялы булырға ынтыла.

Белорет металлургия заводы янындағы ФЗУ, киске рабфактарҙа уҡый.

Уның менән бер бүлмәлә шағир, публицист Сәләм Ғәлимов йәшәй.

Әбйәлил, Бәләбәй,Архангель райондарында, Өфөлә эшләгән йәш коммунист НКВД эҙәрләүенә дусар бул ... Читать дальше »