Еңеү килтергәндәргә- рәхмәт. Фәйзулла Ғибәҙулла улы Ниғмәтуллин 1909 йылда Миәкә районы Яңы Илсеғол ауылында тыуа. Бөйөк Ватан һуғышы башланғанда уға 32йәш була. Ленинград фронтының 121 миномет полкында минометчик була. 1942 йылдың17 ғинуарҙан 1944 йылдың 7 сентябренә хәтлем дәһшәтле һуғыш йылдарында ҡатнаша. Ҡул башы яралана. Күп наградалары бар.Уның һөйләгәндәренән: Украина ерҙәрендә һыуһыҙ этләндек. Соҡорҙарҙа машина, ат эҙҙәрендә йыйылып ҡортлап ятҡан ямғыр һыуын баш кейеме менән һирпеп һөҙөп эсә инек, йылы тәмһеҙ һыу күңелде болғата. Кухня күп ваҡыт артта ҡала, асҡа интеккән саҡтар ҙа күп булды. Мунса һәр саҡ эләкмәй. Бер ваҡыт һыу ятҡылығы күреп ҡалып сисенеп шунда йүгерҙек. Ситтә берәү ҡысҡырып ебәрҙе :"Егеттәр ҡарағыҙ әле күлдәктәргә йән кергән бит". Ысындан да унда ҡыбырлашҡан беттәр ине... Оло йәштәге ауылдаштар беләләрҙер, хәтерләйҙәр ... Читать дальше »